Ruhani Zindagi...

Zindagi ke kuch pehlu ,ab tak suljhe nahi          

Zindagi ke kuch lamhe ,ab tak jeeye nahi

Zindagi ke baarish ko, ab tak chua nahi

Phir yeh kaisa darr hai ….

Kaisa shehar hai, kaisa amber hai…

Iss zindagi ko toh ruhani hona tha,

Iss zindagi ko toh zindagi hona tha….

Aaj din hai ,toh fir kl raat

Aaj chuppi hai, toh fir kl baat….

Ghadhi ke iss awaaz se lekar ,

Inn pal pal ka pal pal mein bitne tak…..

Kya yahi hai zindagi??

Jo pyaar hai , vahi chanv hai,

Yeh koi naqab nahi , akhir yahi toh hai zindagi….

Jo ek maa kii mamta hai,         

Jo chiriyon ka gaana hai,

Jo ek reshmi dorr hai,

Jo aansuo ka chalkna hai,

Jo ek ruh ka hasna hai , chamkna hai, jeena hai…

Jeene se yaad aaya!

Zindagi char dinno kee nahi,

Bas kuch palon kee mehmaan hai…….

Jisne chum liya ise,

Usi ke saath chalegi yeh…

Jo jhum gaya iske saath ,

Use se dosti nibhaygi yeh…

Tabhi toh kehlayegi yeh zindagi ‘ek zindagi’…

Tabhi toh kehlayegi yeh zindagi ek ‘ruhani zindagi’….